“Salamatlıq marafonı” ǵalabalıq ilajine start berildi.

Búgin Nókis rayonı Emlewxanasında xalıqtıń keń qatlamın profilaktikalıq tekseriw hám skrining tekseriwlerine tartıw, kesellikler profilaktikası boyınsha xabardarlıǵın arttırıw hámde salamat turmıs tárizin úgit-násiyatlaw maqsetinde 2026-jıl 1-30-iyul kúnleri “Salamatlıq marafonı” ǵalabalıq ilajine start berildi.

Marafon dawamında xalıqtı profilaktikalıq medicinalıq tekseriwlerden ótkeriw, júrek-qan tamır kesellikleri, qantlı diabet, onkologiyalıq kesellikler hám basqa da juqpalı bolmaǵan keselliklerdiń erte anıqlanıwın támiyinlew, sonday-aq, puqaralar arasında salamat turmıs tárizi kónlikpelerin qáliplestiriwge qaratılǵan úgit-násiyatlaw  ilajları ámelge asırıladı.

Bul marafon xalıqtıń óz salamatlıǵına juwapkershiligin arttırıw, keselliklerdiń aldın alıw hám salamat jámiyetti qáliplestiriwde úlken áhmiyetke iye.